Ministry for Europe and Foreign Affairs

MARRËDHËNIET DYPALËSHE SHQIPËRI FRANCË

Franca, zyrtarisht Republika Franceze është një vend transkontinental që përfshin Evropën Perëndimore dhe rajone dhe territore të huaja në Amerikën e Jugut dhe në Oqeanin Atlantik, Paqësor dhe Indian. Për shkak të disa territoreve të saj bregdetare, Franca ka zonën më të madhe ekskluzive ekonomike në botë. Franca kufizohet me Belgjikën, Luksemburgun, Gjermaninë, Zvicrën, Monakon, Italinë, Andorrën dhe Spanjën në Evropë, si dhe me Holandën, Surinamin dhe Brazilin në Amerikë.

Franca është një republikë unitare gjysmë-presidenciale me kryeqytet Parisin, qyteti më i madh i vendit dhe qendra kryesore kulturore dhe tregtare; zona të tjera kryesore urbane përfshijnë Lyon, Marsejë, Tuluzë, Bordeaux, Lille dhe Nice.

MARRËDHËNIET DYPALËSHE

Franca ishte vendi i parë perëndimor që rivendosi misionin e saj diplomatik në Tiranë në vitin 1945. Ajo gjithashtu, mori pjesë në operacionin e suksesshëm ALBA të udhëhequr nga Italia në pranverën e vitit 1997, i cili ndihmoi në rivendosjen e rendit dhe në organizimin e zgjedhje legjislative të verës së vitit 1997. Franca dhe Shqipëria nënshkruan në vitin 1994 një traktat Mirëkuptimi dhe Bashkëpunimi.

Franca dhe qeveritë e saj kanë dëshmuar angazhim të vazhdueshëm dhe të qëndrueshëm në ndihmën që i kanë ofruar proceseve demokratike në Shqipëri, veçanërisht proceseve të integrimit në strukturat euroatlantike dhe ato evropiane. Ndërkohë marrëdhëniet mes dy vendeve janë intensifikuar më tej me nënshkrimin e Deklaratës së Partneritetit Strategjik në mars 2017.

Thellimi dhe përparimi në të njëjtën rrugë, në të mirë të konsolidimit dhe diversifikimit të marrëdhënieve tona dypalëshe do të vazhdojë të jetë një prioritet i rëndësishëm për Qeverinë Shqiptare.

Konsultimet e para diplomatike mes dy vendeve janë zhvilluar në 16 maj 2021, në Tiranë.

Franca ka qenë dhe vazhdon të jetë një faktor i rëndësishëm në rajonin e Ballkanit. Angazhimi dhe qëndrimet e saj ndikuan në favor të  zgjidhjes së çështjeve të mëdha si pavarësia e Kosovës.

Vlerësohet kontributi i Francës për rindërtimin pas tërmetit (më i madhi ose ndër 2 kontributorët më të mëdhenj bilateralë në Konferencën e Donatorëve të Brukselit, me 61 million euro, pa përfshirë këtu kontributin nëpërmjet BE-së).

Vlerësohet nënshkrimi në shkurt 2021 dhe hyrja në fuqi e Marrëveshjes për Agjencinë Franceze të Zhvillimit, e rëndësishme për projektet zhvillimore në Shqipëri.