Ministrja për Evropën dhe Punët e Jashtme, Olta Xhaçka, mori pjesë në ceremoninë zyrtare të organizuar në Varrezat e Dëshmorëve, ku u mbajtën homazhet në kuadër të Ditës së Dëshmorëve të Atdheut.

Ministrja Xhaçka u shpreh se mënyra më e mirë për t’i respektuar dëshmorët në këtë ditë e çdo ditë është kthimi në realitet i Shqipërisë që ata ëndërruan.

“Nuk mjafton të përulemi përpara sakrificës së tyre. Ata dhanë jetën për këtë vend, për një Shqipëri më të mirë, dhe nuk ka mënyrë më të mirë të denjë për t’i respektuar dëshmorët në këtë ditë e çdo ditë, sesa duke punuar fort për ta bërë realitet Shqipërinë që ata ëndërruan”, tha kryediplomatja Xhaçka.