Historiku

Pas shpalljes së Pavarësisë, më 4 dhjetor 1912 u formua Qeveria, me Kryeministër Ismail Qemalin. Ministër Bujqësisë u caktua z. Pandeli Cale, që është edhe Ministër i parë i këtij dikasteri.

Ministria e Bujqësisë, funksionoi si e tille deri më 3 shtator 1914. Mbas kësaj date, deri në qershor të vitit 1927, veprimtaritë bujqësore, pyjore e minerale në Shqipëri, kryheshin nga Ministria e Punëve Botore. Më 1927, Parlamenti, duke marrë parasysh rëndësinë e kësaj dege për ekonominë kombëtare, rikrijoi Ministrinë e Bujqësisë me Ministër Ferid Vokopola dhe me strukturë funksionale:Ministër, Sekretar i Përgjithshëm dhe Drejtori: Bujqësie, Veterinarie, Pyjeve dhe Administrata .Institucioni qe ka mbuluar bujqesine ka pasur emërtime të ndryshme, në varësi të zhvillimeve ekonomiko-shoqërore të vendit.
Keshtu në fund të vitit 1929, Ministria e Bujqësisë dhe e Pyjeve u emërtua Ministria e Ekonomisë Kombëtare me Ministër z.Musa Juka.

Në këtë periudhë në çdo prefekturë kishte zyra bujqësie, veterinarie, dhoma tregtie dhe inspektorë pyjesh.
Si dhe stacione zooteknike si në Xhafzotaj dhe dy fidanishte një në Laprakë – (Tiranë) dhe tjetra Bushat – (Shkodër).

Në vitin 1940 emërtimi ndryshoi përsëri, duke u quajtur Ministria e Bujqësisë dhe e Pyjeve.

Në vitet 1940-44 Ministria e Bujqësisë u bashkua me Ministrinë e Ekonomisë Kombëtare.

Më 13.01.1945 u krijua edhe nje here Ministria e Bujqësisë dhe e Pyjeve.

Ministër i parë pas Çlirimit ka qënë Prof.Gaqo Tashko. Nga viti 1960 e mbrapa deri në 1992 institucioni u quajt Ministria e Bujqësisë. Sektori i pyjeve ishte drejtori e veçantë në varësi të kesaj Ministrie.

Me ndryshimet thelbësore që u bënë në vitet 90-të, duke filluar nga 13. 04. 1992 Ministria e Bujqësisë u bashkua me sektorin e ushqimit të Ministrisë se Industrise se Lehte dhe Ushqimore duke u krijuar Ministria e Bujqësisë dhe e Ushqimit, emër të cilin e mban edhe sot.

Nga viti 1945 deri në 1963, në Ministrinë e Bujqësisë ka patur struktura të qëndrueshme:– Ministër

– Sekretar të Përgjithshëm

– Tre këshilltarë

– 9 drejtori të veçanta

Organika e parë e Ministrisë së Bujqësisë dhe Pyjeve, më 1 mars të vitit 1946, ka pasur 138 veta.
Kohë qëndrimi më të gjatë në detyrën e Ministrit e kanë pasur z.Themie Thomai për 14 vjet, duke qenë aktualisht e para dhe dhe e vetmja Ministre në këtë sektor.

Struktura e Ministrisë së Bujqësisë ka pësuar vazhdimisht ndryshime edhe pse jo thelbësore. Nga viti 1912 deri në vitin 2002, Ministrinë e Bujqësisë e kanë drejtuar 36 Ministra.
Aktualisht Ministria e Bujqësisë, Zhvillimit Rural dhe Administrimit të Ujërave dhe i gjithë sistemi i saj funksionon me strukturën:

Ministri

Zv.Ministrat

Sekretari i Përgjithshëm

Drejtoritë

DREJTORIA E PROGRAMIMIT DHE VLERESIMIT TE POLITIKAVE

DREJTORIA E PERGJITHSHME E POLITIKAVE

DREJTORIA E PERGJTITHSHME E ADMINISTRIMIT TE UJERAVE DHE TOKES

DREJTORIA E FINANCES

DREJTORIA E PERGJITHSHME E SHERBIMEVE BUJQESORE

DREJTORIA E PERGJITHSHME E SHERBIMEVE MBESHTETESE

DREJTORIA E INTEGRIMIT EVROPIAN & PROJEKTEVE

SEKRETARIATI TEKNIK I KOMISIONIT QEVERITAR TE TOKES