Ministrja e Arsimit dhe Sportit, znj.Lindita Nikolla, ne aktivitetin e zhvilluar me mesuesit ne Pallatin e Kongreseve “Së bashku për shkollën që duam” i falenderoi ata per mbeshtetjen e dhene dhe për punën e tyre të palodhur. Ministrja Nikolla theksoi se puna  e Ministrise se Arsimit dhe Sportit matet nga gjykimi i mësuesve, nxënësve dhe prindërve.

 

“Ne kemi ndërrmarë një reformë sistemike në arsim. Asgjë nuk do të ishte e mundur pa pasionin dhe punën që ju keni bërë në çdo shkollë, në qytet apo fshat. Kurrikula e re që i jep fund të mësuarit riprodhues dhe e harmonizuar për çdo fëmijë nga 3-18 vjeç është e bazuar në kornizën europiane. Tekstet e reja përmbyllën xhunglën korruptive të teksteve difektoze dhe sollën lehtësimin e nxënësve nga mbingarkesa. Reforma e gjimnazit gjithashtu përmbyll epokën e gjimnazit më të mbingarkuar në Europë. Punën e masim me rezultate, si dhe me gjykimin e mësuesve, prindërve e nxënësve. Partnerët po ashtu japin vlerësime pozitive për reformën tonë. Ndjehuni krenarë dhe bëhuni zëri i së vërtetës per gjithçka keni bërë të mundur në çdo shkollë e për çdo nxënës. Kemi bërë shumë së bashku, por kemi ende shumë për të bërë “

 

Ministrja e Arsimit dhe Sportit, znj.Lindita Nikolla, ne fjalen e saj theksoi se ne keto vite u mundesua largimi i politikes nga shkolla dhe se nje vend pune tashme mund te arrihet vetem permes merites dhe transparences. E tille ka qene eksperienca e 3500 mesuesve te punesuar nga portali “Mesues per Shqiperine”, te cileve sipas ministres Nikolla nuk u eshte dashur te tregojne teserën e partise:

 

“Kemi sot 3500 mësues te punësuar përmes portalit “Mësues për Shqipërinë. Ky është sistemi ynë transparent që ka në bazë meritën dhe jo teserën apo xhepin.
Sot nuk ka më diploma të blera per mesues, por nuk ka më as kredite fiktive kualifikimi.
I kthyem dinjitetin maturës duke i hequr të drejtën ministrit të vendosë sipas qejfit kufirin e kalimit”.

 

Ministrja e Arsimit dhe Sportit, Znj. Lindita Nikolla, theksoi se pavarësisht akuzave sistemi i pranimeve në universitet ka rezultuar i suksesshëm dhe është në sinkron me ato që përdor Europa.
 
“Sistemi jonë i pranimeve është ai që përdor bota dhe Europa. Më lejoni t’iu përgëzoj me atë që keni bërë për informimin e çdo maturanti. Me komunikimin që kam pasur me maturantët kam kuptuar që ju keni bërë një punë të lëvdueshme. Të jemi të gjithe bashkë e të mos lëmë asnjë shteg keqinformimi dhe përdorimi të maturantëve. Ne duhet të jemi aty që të informojmë çdo maturant që të mos lejojmë qe ata të keqinformohen”.

 

Ministrja e Arsimit dhe Sportit, znj. Lindita Nikolla, gjate fjales se saj renditi disa arritjet e reformes ne arsim ne keto vite si: mbyllja e 22 universiteteve te cilat prodhonin diploma pa vlere. Kjo sipas ministres Nikolla mund te konsiderohet si hap i pare drejt dekriminalizimit. Gjithashtu, nje tjeter arritje ne sistemin arsimor konsiderohet edhe heqja e 4 mijë mësuesve te cilet ishin jashte profilit dhe pa arsimin perkates, duke rritur keshtu nivelin e mesimdhenies.

 

Ministrja Nikolla foli edhe per reformen e altertekstit, e cila deri në vitin 2012, rezultoi me 1,130 tekste në përdorim, në pjesën më të madhe të tyre me deformime dhe probleme të rënda shkencore, konceptuale dhe gjuhësore. Në këtë kuadër, theksoi ministrja Nikolla, me synim përmirësimin dhe garantimin e cilësisë së teksteve për nxënësit shqiptar në sistemin e arsimit parauniversitar, u ndermor një proçes i gjatë reformator ku në proçesin e vlerësimit dhe përzgjedhjes u ftuan mësuesit nga i gjithë vendi. Kjo proçedurë, rezultoi në heqjen e 600 titujve të tjera nga katalogu ekzistues.