Ministrja e Arsimit dhe Sportit Evis Kushi priti sot në një takim Zëvendësministren e Arsimit të Turqisë znj. Celile Eren Ökten, për të diskutuar lidhur me ecurinë e marrëveshjeve të përbashkëta në fushën e arsimit, si dhe angazhimin për forcimin e mëtejshëm të bashkëpunimit mes dy institucioneve.

Lajmin e bëri të ditur vetë ministrja, përmes një postimi në rrjete sociale, në të cilin znj. Kushi falënderon delegacionin turk për kontributin e dhënë në Shqipëri dhe mbështetjen e vazhdueshme në projektet e politikat arsimore.

 

POSTIMI I MINISTRES KUSHI:

 

Prita në MAS Zëvendësministren e Arsimit të Turqisë znj. Celile Eren Ökten, së bashku me kryetarin e Fondacionit Maarif z. Birol Akgün dhe Ambasadorin e Turqisë në Shqipëri z. Tayyar Kağan Atay.

Diskutuam mbi ecurinë e marrëveshjeve të përbashkëta në fushën e arsimit, si dhe u angazhuam për forcimin e mëtejshëm të bashkëpunimit mes institucioneve tona.

I falënderova për kontributin e dhënë në Shqipëri, si dhe mbështetjen e vazhdueshme në projektet e politikat tona arsimore.

 

https://www.facebook.com/100057450729783/posts/pfbid02DWmkVJ1Z1A67rqbVCWvwxQZcTHgAHG1JKkxtRYsnKZtWstifPJQE3Xf4fBi1tTd9l/?mibextid=cr9u03