Ministrja e Arsimit, Sportit dhe Rinisë Znj. Evis Kushi ka pritur dje në zyrën e saj një të ftuar me aftësi të rralla për sa i përket moshës së tij.

“Dje një zyrën time prita një të ftuar super të veçantë bashkë me prindërit e tij, Eljo 3-vjeçar nga Elbasani, që gëzon dhunti e aftësi të rralla. Ai lexon rrjedhshëm, numëron dhe shkruan madje edhe fjalë të vështira” – shkruan Ministrja Kushi në rrjetin e saj social Facebook.

Znj. Kushi nënvizon zhvillimin e veçantë që ka Eljo dhe gadishmërinë e ofruar për ta ndihmuar në vijim:

“Është shumë e qartë që ai ka një tjetër zhvillim e nivel inteligjence në krahasim me shumicën e fëmijëve të moshës së tij. Prandaj, prindërve të tij i ofrova gjithë gadishmërinë time për t’i ndihmuar për çfarëdo është e nevojshme nëpërmjet specialistëve të ndryshëm, të cilët do të përcaktojnë edhe llojin e fushës ku Eljo i vogël e i madh ka nevojë për t’u mbështetur” – shprehet Ministrja Kushi.

https://www.facebook.com/103464624802314/posts/137774404704669/?extid=0&d=n