Me ftesë të Ministres Polake të Sportit dhe Turizmit Anna Krupka, Ministrja e Arsimit dhe Sportit Evis Kushi zhvilloi një vizitë zyrtare në Varshavë, ku vendosën një bashkëpunim të ri mes dy vendeve në fushën e sportit. Së shpejti ky bashkëpunim do të konkretizohet me nënshkrimin e një memorandumi mirëkuptimi në Tiranë.

Në fokus të këtij takimi ishte krijimi i një bashkëpunimi në një sërë aktivitetesh të zhvillimit të programit anti-doping, për të krijuar një partneritet që do t’i ndihmojë të dyja organizatat, WADA dhe ALB_NADO, të kontribuojnë në parandalimin e dopingut në rajon.

Nëpërmjet Memorandumit të Mirëkuptimit, MAS dhe ALB NADO do të mbështesin zbatimin e Kodit Botëror Anti-Doping, i cili harmonizon programet antidoping në të gjitha sportet dhe në të gjitha vendet e botës.

Ndërkohë, ky memorandum do të mundësojë Seminare informuese dhe edukuese antidoping, të nevojshme për sportistët, duke u nisur edhe nga ndryshimet e bëra në listën për medikamenteve.

https://www.facebook.com/100057450729783/posts/461725332419154/?d=n